Havregryn Platetørka Økologisk 1 kg

Platetørka gir havregrynet ein god aroma og storleiken på gryna er jamt over noko større enn lettkokte havregryn. Volda El. Mylne kjøper havre frå dei områda i landet som til ei kvar tid har dei beste råvarene. All havren vi nyttar er økologisk dyrka. Volda El. Mylne har Debiogodkjenning, IK-Matsystem (inkl. HACCP) og er godkjend som matmjølprodusent av Mattilsynet. Platetørka havregryn vert brukt til bakverk, graut, supper, potetball, frukostblandingar eller ganske enkelt med mjølk og sukker til. Sidan strukturen er så grov er mjølet også godt egna til strø og dekor. Grovbrød og grove rundstykke får grov struktur og vert saftige, fyldige og velsmakande ved å tilsette platetørka havregryn i deigen. Platetørka havregryn er merka med ”best før” 1,5 år frå produksjonsdato. Gryna har utvilsamt betydeleg lengre haldbarheit, men Volda El. Mylne har valt 1,5 år på alle våre mjølprodukt.