Råvarene er matspelt av dei opphavlege speltsortane Uberkulmer Rotkorn eller Ebeners Rotkorn. Vi nyttar i dag kun norskprodusert korn, og all spelten vår er økologisk. Spelt (kveite, rug) som blir malen på denne måten har ord på seg for å ha gode bakeeigenskapar. Volda El. Mylne har Debio-godkjenning, IK-Matsystem (inkl. HACCP) og er godkjend som matmjølprodusent av Mattilsynet. Speltkornet blir først avskala og reinsa, så malt på ei stor steinmølle som er hoggen spesielt til føremålet, nemleg maling av korn med lite fiberinnhald (skal). Deretter blir mjølet sikta. Det sikta speltmjølet har ein kvit farge, og det blir sikta på 200 (ev 180) my sold. Sikta spelt vert hovudsakleg nytta til allslags bakst, graut, sausar, supper, m.m. der sikta kveitemjøl kan nyttast.